Бүгд найрамдах Солонгос Улсын Засгийн газрын тэтгэлэг нь бакалаврын болон төгсөлтийн дараах түвшний (магистр, доктор, судалгааны) оюутнуудад солонгосын их дээд сургуулиудад бүрэн тэтгэлэгтэйгээр суралцах боломжийг олгодог олон улсын хэмжээний тэтгэлэг юм. Тэтгэлэгт сургалтын бүтэн төлбөр, 2 талын онгоцны билет (анх ирэх, төгсөөд буцах), сар тутам эрүүл мэндийн даатгал, амьжиргааны зардал сар бүр өгөх ба нэг удаагийн суурьших 200,000 вон, диплом хэвлүүлэх гэх мэт зардлууд хүртэл олгодог. Мөн ТОПИК 5,6-тай оюутнууд сар бүр нэмэлт 100,000 вон авах боломжтой.

Жил бүрийн 2 сарын дундуур төгсөлтийн дараах буюу бакалавраас дээш түвшний тэтгэлэг зарлагдаад ихэвчлэн 3 сарын эхний хагаст материалаа авдаг авч дуусдаг боловч сургуулиасаа шалтгаалаад янз бүр байдаг. Материалаа явуулахын тулд

А хувилбар: Монгол Улсад байгаа БНСУ-ын элчин сайдын яам ЭСЯ руу материалаа явуулах

1. Элсэхийг хүссэн 3 сургуулиа сонгоод Монголд байгаа БНСУ-ын ЭСЯ руу материалаа явуулах

2. ЭСЯ шалгаруулах

3. Сонгосон 3 сургууль руу материалыг нь явуулах

4. Сургууль тус бүр шалгаруулалтаа хийх

Б хувилбар: Сургуулиа сонгоод шууд явуулах

1. Зөвхөн нэг сургууль руу шууд материалаа явуулах (шуудангаар явуулаад заасан хугацаанаас өмнө сургууль дээр хүргэгдсэн байх ёстой)

2. Тухайн сургууль шалгаруулах

3. Шалгарсан материалаас Солонгос дээд боловсролын хүрээлэн тухайн улсын квотод багтаан шалгаруулах

гэсэн хоёр хувилбарын зөвхөн нэгийг нь л сонгож материалаа явуулна. ЭСЯ-аас нэмэлт шалгуур тавьж болдог бөгөөд Монголоос өрсөлдөөн ихтэй болоод ч тэр үү ихэвчлэн нэмэлт шалгууртай байдаг. Бас сургууль болгоны шалгуур нь янз бүр байдаг бөгөөд нэмэлт шалгууртай сургууль ч бий, мөн нэмэлт тэтгэлэгтэй сургууль ч бий. Жишээ нь дотуур байр үнэгүй гэх мэт. Тэтгэлэг зарлагдах үеэр дараах хаягаар ороод мэдээлэл аваарай.